खुशखबर! ‘स्टेनो’ची पद भरती होणार, विद्यार्थ्यांना दिलासा! – Stenographer Bharti Maharashtra

Stenographer Bharti Maharashtra – Recruitment for ‘Stenographer’ posts (Stenographer cadre) is set to take place in the state. On May 5, 2025, the state government had declared all stenographer posts in the state as a dying cadre. This decision has been granted a one-year extension as a special one-time measure. This has provided some relief to students preparing for these posts. However, students remain firm on their demand that these posts be made permanent.

राज्यात ‘स्टेनो’ पदाची (लघुलेखक संवर्ग) भरती होणार आहे. राज्य शासनाने ५ मे २०२५ रोजी राज्यातील सर्व स्टेनोची पदे मृत संवर्ग म्हणून घोषित केली होती. या निर्णयाला एक वेळेची विशेष बाब म्हणून एक वर्ष मुदतवाढ दिली आहे. यामुळे या पदासाठी तयारी करणाऱ्या विद्यार्थ्यांना काहीसा दिलासा मिळाला आहे. मात्र, ही पदे कायमस्वरूपी ठेवा, या मागणीवर विद्यार्थी ठाम आहेत.

Advertisement

शासकीय कामकाजात माहिती तंत्रज्ञानाचा वाढता वापर व तंत्रज्ञानाधारित साधनांचा पर्याय उपलब्ध झाला आहे. यामुळे स्टेनो पदाची आवश्यकता नसल्याने लघुलेखक हा संवर्ग ‘मृत संवर्ग’ म्हणून घोषित केल्यामुळे राज्यातील सर्व शासकीय विभागातील ही पदेच रद्द झाली. यामुळे या पदांसाठी स्पर्धा परीक्षांची तयारी करणाऱ्या विद्यार्थ्यांत संतापाची लाट उसळली होती. कायमस्वरूपी ही पदेच रद्द केल्याने केवळ याच पदासाठी तयारी करणाऱ्या हजारो उमेदवारांचा भविष्यातील सरकारी नोकरीचा मार्गच बंद झाला. ही पदे पूर्ववत करावीत, त्यानुसार दरवर्षी रिक्त होणाऱ्या या पदांची भरती प्रक्रिया पूर्ववत सुरू व्हावी याकरिता विद्यार्थ्यांनी आंदोलनही केले. सध्या राज्यभरात सुरू असलेल्या स्पर्धा परीक्षेच्या विद्यार्थी आंदोलनात ही मागणीही केली जात आहे. या सर्व पार्श्वभूमीवर राज्य शासनाने या निर्णयाला एक वर्ष मुदतवाढ देण्याचा निर्णय घेतला.