हातमाग आयुक्त विभागात लिपिक, सहाय्यक अन्य पदांची भरती सुरु, लाखावर मिळणार पगार! – Hatmag Ayukt Application Form

Hatmag Ayukt Application Form – नोकरीच्या शोधात असलेल्या उमेदवारांसाठी एक आनंदाची बातमी आहे. आपल्या सर्व सरकारी नोकरीची संधी चालून आली आहे, ती पण केंद्र सरकार मध्ये चांगल्या पगाराची नोकरी! मित्रांनो, केंद्र सरकारच्या वस्त्रोद्योग मंत्रालयांतर्गत (Ministry of Textiles) कार्य करणाऱ्या ‘विकास आयुक्त – हातमाग’ (Office of the Development Commissioner for Handlooms) कार्यालयाद्वारे विविध प्रशासकीय पदांच्या जागा भरण्यासाठी अधिकृत भरती जाहिरात प्रसिद्ध करण्यात आली आहे. या भरती प्रक्रियेद्वारे सहाय्यक (Assistant), लघुलेखक (Stenographer) आणि उच्च श्रेणी लिपिक (Upper Division Clerk – UDC) या पदांवर योग्य उमेदवारांची नियुक्ती केली जाणार आहे. विकास आयुक्त (हातमाग) हे कार्यालय भारतातील पारंपारिक हातमाग क्षेत्राचे जतन, संवर्धन आणि आर्थिक सबलीकरण करण्यासाठी केंद्र सरकारची मुख्य संस्था म्हणून कार्य करते. विणकरांना आधुनिक तंत्रज्ञान, कच्चा माल उपलब्ध करून देणे, विपणन (Marketing) सहाय्य देणे आणि विविध कल्याणकारी योजना राबवण्याची महत्त्वाची जबाबदारी या विभागावर असते. देशभरातील विणकर सेवा केंद्र (Weavers’ Service Centres) आणि ‘इंडियन इन्स्टिट्यूट ऑफ हँडलूम टेक्नॉलॉजी’ (IIHT) या संस्थांचे नियंत्रण व प्रशासन याच विभागामार्फत चालवले जाते. या प्रतिष्ठित प्रशासकीय विभागात काम करू इच्छिणाऱ्या पात्र उमेदवारांसाठी ही एक उत्तम संधी मानली जात आहे. या भरतीसाठी अर्ज ऑफलाईन पद्धतीने म्हणजेच पोस्टाने दिलेल्या पत्यावर पाठवायचे आहेत. यासाठी अर्जाचा नमुना आणि जाहिरात लिंक आम्ही खाली दिलेली आहे. अर्ज दिलेल्या पत्यावर २० ऑगस्ट २०२६ पर्यंत पोहचणे आवश्यक आहे.

संबंधित भरती:

Jobs in Gadchiroli – गडचिरोली जिल्ह्यातील नवीन नोकरीच्या जाहिराती Jobs in Raigad - रायगड जिल्ह्यातील सर्व सरकारी व खाजगी जाहिराती Private Jobs 2026 – खाजगी क्षेत्रातील नवीन नोकरीच्या जाहिराती

या भरतीसाठी उमेदवारांना ऑफलाईन पद्धतीने अर्ज करणे बंधनकारक आहे. जाहिरात प्रसिद्ध झाल्यापासून ४५ दिवसांच्या आत, म्हणजेच २० ऑगस्ट २०२६ पर्यंत उमेदवारांचे अर्ज दिलेल्या पत्त्यावर पोहोचणे आवश्यक आहे. या प्रक्रियेअंतर्गत विविध पदांसाठी निश्चित केलेली वेतनश्रेणी केंद्र सरकारच्या ७ व्या वेतन आयोगानुसार आकर्षक आहे. यामध्ये ‘सहाय्यक’ (Assistant) आणि ‘लघुलेखक’ (Stenographer) या दोन्ही पदांसाठी Level-6 Pay Matrix (रु. ३५,४०० ते रु. १,१२,४००/-) ही वेतनश्रेणी लागू असणार आहे. तसेच ‘उच्च श्रेणी लिपिक’ (UDC) या पदासाठी Level-4 Pay Matrix (रु. २५,५०० ते रु. ८१,१००/-) ही वेतनश्रेणी निश्चित करण्यात आली आहे. मूळ जाहिरातीतील अटींनुसार विविध पदांसाठी आवश्यक असणारी शैक्षणिक पात्रता व अनुभव पूर्ण करणारे उमेदवार या भरतीसाठी अर्ज पाठवू शकतात.

अर्जासोबतच उमेदवारांनी खालील कागदपत्र पाठवावी

• अर्जदाराच्या कॅडर क्लिअरन्स (Cadre Clearance) चे प्रमाणपत्र.
• सन २०२४–२०२५ पर्यंतच्या किमान मागील ५ वर्षांच्या ACRs/APAR च्या अद्ययावत, स्पष्ट व वाचनीय स्वप्रमाणित (Gazetted Officer यांनी प्रमाणित केलेल्या) छायाप्रती.
• भारत सरकारच्या किमान अवर सचिव (Under Secretary) दर्जाच्या अधिकाऱ्यांनी स्वाक्षरी केलेले प्रामाणिकपणा प्रमाणपत्र (Integrity Certificate).
• संबंधित अधिकाऱ्याविरुद्ध कोणतीही विभागीय चौकशी किंवा फौजदारी कार्यवाही प्रलंबित नाही किंवा प्रस्तावित नाही, असे नमूद करणारे दक्षता मंजुरी प्रमाणपत्र (Vigilance Clearance Certificate).
• गेल्या १० वर्षांत संबंधित अधिकारी/कर्मचाऱ्यावर कोणतीही मोठी (Major) किंवा किरकोळ (Minor) शिस्तभंगाची शिक्षा झालेली नाही, याबाबतचे प्रमाणपत्र.

अर्ज करू इच्छिणाऱ्या पात्र उमेदवारांनी आपले विहित नमुन्यातील अर्ज, आवश्यक शैक्षणिक प्रमाणपत्रे, वयाचा दाखला आणि अनुभवाच्या साक्षांकित प्रतींसोबत दिलेल्या अधिकृत पत्त्यावर वेळेत पाठवणे गरजेचे आहे. अंतिम तारखेनंतर प्राप्त झालेले किंवा अपूर्ण अर्ज बाद ठरवण्यात येतील. अर्ज पाठवण्याचा पत्ता पुढीलप्रमाणे आहे: “सहाय्यक संचालक, आस्थापना-१ विभाग, विकास आयुक्त (हातमाग) यांचे कार्यालय, वस्त्रोद्योग मंत्रालय, कक्ष क्र. ५३०१, ५ वा मजला, जीपीओए-३, नेताजी नगर, नवी दिल्ली – ११० ०२३”. उमेदवारांनी अर्ज करण्यापूर्वी अधिकृत जाहिरातीमधील सर्व नियम, वयोमर्यादा व सेवाशर्ती काळजीपूर्वक वाचूनच अर्ज सादर करावा. तसेच आम्ही खाली पूर्ण जाहिरातीची PDF दिली आहे ती काळजीपूर्वक वाचावी. तसेच सोबतच अर्जाचा नमुना सुद्धा दिला आहे.